حِلِمت بنفسي أنا وانتِ
آل إيه
... لابسين حرير فـ حرير
واقفين
عـ الترعة بنغنـّي
آل
يعني جوز عصافير
وأشجار
صُـفصاف على الصفـّين
وحوالينا
طيور بتطير
وحبّة
نحل حاوْطونا
داير
مايدور
وسرب جميل
من الفراشات
زي
الصبايا الحور
وفرقة
دانس من وطاويط
جايّه
تشارك .. وقادوا النور
وجوز
دبابير بتنطط
وجايبة
بخور
وضفادع
بيضا فـ الزيطة
جايّه
تزور
وقام
عصفور وغنـّالنا
"أركب
الحنطور"
وقام
آل إيه .. غراب بايخ
قعد
يحدف علينا زهور
وجاتلي
فراشة تدلـّع
ياللا
"يا نور "
ومِسْـكت
إيدي ..عشان أرقص
زي
الفرفور
قامت
عصفورتي تتخانق
ورايحة
تثور
ازاي
يا أفندي تتغندر
عامل
دبّور ... ؟!!
وزعلـِت
منـّي عصفورتي
وقالت
ياد غور
وأنا من
غيظي زعّقت
راح
الغطا منتور
وصحيت على
صوت بيقولـّي
ياللا
يا شطـّور
هات
ألف جنيه يا معلم
رايحين
كارفور
عملت
نفسي آل نايم
عشان
معذور
ما نا
أصلي فـ ساقية باتحرك
وزيّ
التور
فقلت
لنفسي ياد طنّش
و يا
طابت يا اتنين عور
ههههههههههه
جمال
نور
ليست هناك تعليقات:
إرسال تعليق